TXAPELDUNAK

Zuazo mendean hartu eta Kopa bosgarrenez irabazi du Bera Bera

Donostiarrak jaun eta jabe izan dira Porriñon jokatutako finalean eta 17 eta 33 gailendu dira.

Bera Berak bosgarrenez irabazi du Erreginaren Kopa. Donostiarrak aise gailendu dira Prosetecnisa Zuazo talde bizkaitarraren aurka jokatutako finalean, 17 eta 33.

Zuazok lehen laurdenean bakarrik eutsi dio Bera Beraren nagusitasunari (5-12, 16. minutuan). Kantxan talde bakarra izan da. Defentsako lan bikainari esker, Bera Berak aurkaria suntsitu du, eta Zuazok erasoan egindako hutsegite bakoitzari etekina atera dio kontraeraso zitalak eginda.

Bera Berak alde zabalak izan ditu markagailun (4-10, 10-17, 12-24), eta defentsan eta abiaduran oinarritu du garaipena. Finala erabakita, bi entrenatzaileek aukera eman diete normalean jokatzen ez duten jokalariei.

http://www.eitb.eus/eu/kirolak/osoa/3993124/bera-berak-erreginaren-kopa-irabazi-dio-zuazori/