Lazkaoko San Prudenzio jaietan, lehen aldiz,
lasterketa mistoa antolatu dute festetan
Datorren ostiralean
izango da krosa, 21:00etan. Bost kilometro eta erdiko ibilbidea da, 2016-04-22 / I. Elustondo
Ez dute parrandarako aukera
bakarrik izango Lazkaoko San Prudentzio jaietan. Aurten, lehen aldiz, kros
mistoa antolatu dute. Iñaki Belamendia Antzar Korrikalariak elkarteko kidea da
antolatzaileetako bat, eta, haren arabera, «garrantzitsua» da festa eta kirola
uztartzea. «Festetan ekintza guztiak parranda egiteko izaten dira; kirolak leku
gutxiago izaten du. Bueltak ematen ibili gara, zerbait polita antolatu nahi
genuen, eta lasterketa txiki bat egitea pentsatu dugu, bikoteka».
Datorren ostiralean, apirilaren 29an, 21:00etan egingo dute lasterketa. Belamendiaren arabera, propio aukeratu dute ordu hori. «Zerbait berezia da gauean korrika egitea. Kirola jaiaren barnean sartzea da helburua». Bikoteka egin behar da ibilbide osoa nahitaez, ez du balio batak bestea aurreratzerik, eta horrek giro ona jartzen laguntzen du, Belamendiaren iritziz. «Banakako lasterketa bat ez da hain erakargarria, eta binaka joateak sortzen du saltsa hori».
Emakumeen eta gizonen arteko berdintasuna sustatzen ere laguntzen dute halako egitasmoek, haren esanetan. «Azkenean kirola denentzat da, eta beti gehiago kostatzen da neskak horrelakoetara apuntatzea. Horren aurrean, bultzadatxo bat da kros mistoa».
Parte hartzea sustatu nahi dutenez, ez dute ibilbide oso luzea prestatu. Bost kilometro eta erdi izango ditu: bi buelta txiki eta handiago bat emango dituzte korrikalariek herrian, plazatik hiru aldiz igarota. Herriaren erdigunetik behin baino gehiagotan pasatzea nahi izan dute, lasterketak jendea kalean «harrapa» dezan.
Dagoeneko 40 bikote apuntatu dira lasterketara. Adin guztietakoak daude zerrendan, herrikoak zein kanpokoak: Bilbokoak, Durangaldekoak... Lehen aldia izateko, itxuraz, «arrakasta pixka bat» izango du. «Herrian jende guztia ari da honetaz hizketan. Susmoa dugu gauza polit bat aterako dela».
Apirilaren 28ra bitartean eman daiteke izenawww.kirolprobak.com webgunean, dohainik. «Helburua kirola sustatzea da, eta, kobratuz gero, jendeari gehiago kostatzen zaio parte hartzea». Gainera, sariak izango dira korrikalarientzat: hamar bikote azkarrenei, eta herriko lehenengo bi bikoteei emango dizkiete.
Datorren ostiralean, apirilaren 29an, 21:00etan egingo dute lasterketa. Belamendiaren arabera, propio aukeratu dute ordu hori. «Zerbait berezia da gauean korrika egitea. Kirola jaiaren barnean sartzea da helburua». Bikoteka egin behar da ibilbide osoa nahitaez, ez du balio batak bestea aurreratzerik, eta horrek giro ona jartzen laguntzen du, Belamendiaren iritziz. «Banakako lasterketa bat ez da hain erakargarria, eta binaka joateak sortzen du saltsa hori».
Emakumeen eta gizonen arteko berdintasuna sustatzen ere laguntzen dute halako egitasmoek, haren esanetan. «Azkenean kirola denentzat da, eta beti gehiago kostatzen da neskak horrelakoetara apuntatzea. Horren aurrean, bultzadatxo bat da kros mistoa».
Parte hartzea sustatu nahi dutenez, ez dute ibilbide oso luzea prestatu. Bost kilometro eta erdi izango ditu: bi buelta txiki eta handiago bat emango dituzte korrikalariek herrian, plazatik hiru aldiz igarota. Herriaren erdigunetik behin baino gehiagotan pasatzea nahi izan dute, lasterketak jendea kalean «harrapa» dezan.
Dagoeneko 40 bikote apuntatu dira lasterketara. Adin guztietakoak daude zerrendan, herrikoak zein kanpokoak: Bilbokoak, Durangaldekoak... Lehen aldia izateko, itxuraz, «arrakasta pixka bat» izango du. «Herrian jende guztia ari da honetaz hizketan. Susmoa dugu gauza polit bat aterako dela».
Apirilaren 28ra bitartean eman daiteke izenawww.kirolprobak.com webgunean, dohainik. «Helburua kirola sustatzea da, eta, kobratuz gero, jendeari gehiago kostatzen zaio parte hartzea». Gainera, sariak izango dira korrikalarientzat: hamar bikote azkarrenei, eta herriko lehenengo bi bikoteei emango dizkiete.
